Një rrëshqitje toke ka dëmtuar shtresën e asfaltit në rrugën pranë liqenit të Gjinarit, në bashkinë e Elbasanit, duke krijuar rrezik për qarkullimin e automjeteve dhe sigurinë e banorëve.
Ky aks rrugor lidh disa fshatra të zonës dhe përshkohet çdo ditë nga mjete private dhe transporti. Çdo dëmtim vështirëson lëvizjen dhe rrezikon jetën e drejtuesve dhe pasagjerëve.
Gjinari, i shpallur si një nga fshatrat turistikë të bashkisë Elbasan, përballet me probleme infrastrukturore në akset lidhëse, pavarësisht investimeve të fundit të bashkisë në qendër të fshatit.
Rruga mirëmbahet nga kompania Alko Impex Construction, me pronar Arbër Abazin, i cili është akuzuar se ka përfituar miliona euro tendera nga Belinda Balluku, sipas raporteve. Banorët kërkojnë ndërhyrje të menjëhershme për stabilizimin e terrenit dhe rehabilitimin e plotë të rrugës, në prag të sezonit pranveror dhe veror, kur vizitorët rriten ndjeshëm.
Përditësime
Reshjet e fundit dhe paqëndrueshmëria e terrenit shkaktuan rrëshqitje masive toke pranë Liqenit të Gjinarit, sipas TV Klan.
Zhvillimet kryesore:
- Krijuan disnivelesh të rrezikshme për qarkullim (TV Klan).
- Ekspertët e mjedisit paralajmërojnë kosto më të lartë riparimi në të ardhmen nëse nuk ndërhyhet (TV Klan).