Një grup prej rreth 20 hajdutësh të maskuar ka sulmuar argjendarinë Kumar Jewelry në Fremont të Kalifornisë në qershor të vitit 2025. Ata kanë vjedhur bizhuteri me vlerë mbi 1.4 milionë euro në rreth 70 sekonda.
Sipas videove të publikuar nga Departamenti i Drejtësisë i SHBA-së, një seri makinash ka ndaluar para dyqanit. Hajdutët kanë zbrë me çekiçë dhe hekura, kanë thyer xhamat e vitrinave dhe kanë mbledhur mallrat në çanta. Autoritetet e kanë përshkruar veprimin si një "kapje mafioze" ose "vjedhje në stil mafioz".
Hajdutët kanë marrë rreth 75-80% të bizhuterive të ekspozuara në dyqan. Pas grabitjes, ata janë larguar me automjetet që i prisnin jashtë. Makinat rezultuan të vjedhura, çka ka vështirësuar ndjekjen përmes kamerave të sigurisë.
Një patrullë policie ka ndjekur një nga automjetet që kishte kaluar shenjat stop dhe semaforët e kuq. Si rezultat, janë arrestuar katër të rinj të moshës 19-20 vjeç. Dy prej tyre janë liruar, ndërsa çështja nuk ka shkuar ende në gjykatë.
Videoja është shpërndarë gjithashtu nga media si New York Post dhe East Bay Times.