Prej të martës, 24 mars 2026, në Gjykatën e Posaçme Kundër Korrupsionit dhe Krimit të Organizuar (GJKKO) janë vendosur masa të reja sigurie, lidhur me planin për sigurinë në gjykata.
Në hyrje do të qëndrojë një punonjës i gardës, ndërsa të gjithë personat do të kalojnë fillimisht në një skaner fizik. Pas këtij kordoni sigurie, brenda ambienteve të GJKKO-së do të ketë një tjetër skaner për kontroll më të detajuar. Dalja do të ketë një nivel sigurie të ngjashëm me atë të institucioneve të rëndësisë së veçantë.
Ky plan masash u zhvillua pas vrasjes së gjyqtarit Astrit Kalaja, e ndodhur 6 muaj më parë. Këshilli i Lartë Gjyqësor (KLGJ) ka kërkuar veprime shtesë sigurie në gjykata, por zbatimi i plotë është realizuar deri tani vetëm në GJKKO.