Një rrjedhje kimike në një objekt industrial të Nurembergut në Gjermani ka shkaktuar vdekjen e një punëtori dhe plagosjen e 17 personave të tjerë. Aksidenti ndodhi të premten pasdite në një park industrial të qytetit.
Dy punëtorë u gjetën pa ndjenja brenda ambienteve të kompanisë. Njëri prej tyre humbi jetën më vonë në spital, ndërsa gjendja e të tjerëve mbetet nën vëzhgim. Autoritetet bavareze njoftuan se rrjedhja u izolua brenda ndërtesës dhe nuk paraqet më rrezik për shëndetin publik.
Ende nuk janë bërë të ditura lloji i substancës kimike që rrjedhi dhe shkaqet e incidentit. Sipas agjencisë Deutsche Presse-Agentur, 65 zjarrfikës, disa prej tyre të pajisur me kostume mbrojtëse kimike, morën pjesë në operacion dhe evakuan dhjetëra punëtorë nga godina.