Tre punonjës kanë humbur jetën dhe dy të tjerë ndodhen në gjendje kritike pas një aksidenti në një fabrikë lëkure në Runkel, në landin Hessen të Gjermanisë.
Ngjarja ka ndodhur gjatë orarit të punës brenda objektit industrial. Sipas policisë gjermane, rrethanat e incidentit nuk janë sqaruar ende plotësisht.
Ekipet e emergjencës kanë ndërhyrë menjëherë në vendngjarje dhe kanë dërguar të plagosurit në spital në gjendje të rëndë. Autoritetet gjermane kanë nisur hetimet për të zbardhur shkaqet e aksidentit dhe për të përcaktuar përgjegjësitë.
Mediat gjermane kanë raportuar ngjarjen, duke u mbështetur në deklaratat zyrtare të policisë.
Përditësime
Dyshohet se një punëtor ka rënë në gropën e mbetjeve nga përpunimi i lëkurës në fabrikën e lëkurës në Runkel të Gjermanisë. Kolegët e tij zbritën për ta ndihmuar dhe u ekspozuan ndaj një substanceje të panjohur.