Ryanair çeli më 1 prill 2026 bazën e saj në Aeroportin Ndërkombëtar të Tiranës (TIA) me 4 avionë, një investim prej 400 milionë USD. Ky zhvillim është rezultat i politikave mbështetëse të Qeverisë Shqiptare dhe TIA-së, që nxisin rritjen e trafikut ajror dhe turizmit.
Në sezonin veror 2026, Ryanair do të operojë 44 destinacione nga Tirana, duke hapur 21 linja të reja, si:
- Alghero
- Genoa
- Parma
- Baden-Baden
- Katowice
- Pescara
- Birmingham
- Liverpool
- Poznan
- Bratislava
- Malta
- Trieste
- Dublin
- Memmingen
- Turin
- Eindhoven
- Milano Malpensa
- Verona
- Gdansk
- Napoli
- Wroclaw
Kompania synon rritje të trafikut me 50%, duke arritur 4 milionë pasagjerë në Tiranë. Hapja e bazës krijon mbi 3.000 vende pune në Shqipëri, përfshirë 120 vende të reja me paga të larta për pilotë, inxhinierë dhe staf kabine, të gjithë të bazuar në Tiranë.
Për rastin e çeljes, Ryanair lançoi ofertë tre-ditore biletash me çmime nga 21,99 euro, të disponueshme në aplikacionin e saj.
Planet afatgjatë
Gjatë pesë viteve të ardhshme, kompania planifikon zgjerimin e bazës në 6 avionë Boeing 737, me investim shtesë 600 milionë USD, për të arritur 6 milionë pasagjerë dhe 60 destinacione.
Michael O’Leary, drejtori ekzekutiv i Ryanair, deklaroi se kjo rritje mundësohet nga politikat pro-rritjeje të aviacionit në Shqipëri dhe kostot e ulëta të aeroportit. Drejtori i TIA-së theksoi bashkëpunimin me Ryanair dhe investimet prej 120 milionë eurosh të Grupit Kastrati në infrastrukturë.