Në Gjykatën e Posaçme kundër Korrupsionit dhe Krimit të Organizuar u zhvillua sot seanca e radhës për dosjen e njohur si "Sterilizimi". Ish-ministri i Shëndetësisë Ilir Beqaj u paraqit për herë të parë jashtë kafazit të xhamit dhe u ul pranë avokatit të tij Ilir Yzeiraj.
Avokati i Beqajt kërkoi pushimin e menjëhershëm të çështjes ose pezullimin e gjykimit dhe dërgimin për kontroll kushtetues. Ai argumentoi se Beqaj nuk mund të merret i pandehur për akuza që nuk janë formësuar sipas kërkesave të ligjit.
Në dosje janë përfshirë gjithsej nëntë të pandehur, përfshirë ish-zëvendësministrin Klodian Rjepaj dhe biznesmenin Ilir Rrapaj. Për disa prej tyre gjykata ka rrëzuar akuzën e grupit të strukturuar kriminal, ndërsa dy të pandehur janë dënuar më parë në gjykim të shkurtuar.