Policia e Kosovës ka sekuestruar rreth 7 kilogramë marihuanë në pikën kufitare Merdarë, më 9 shkurt 2026. Aksioni u zhvillua pas hetimeve paraprake dhe një plani taktik, ku u ndalua një veturë me targa të huaja, e drejtuar nga një mashkull kosovar.
Gjatë kontrollit të automjetit u gjetën dhe u sekuestruan substanca narkotike me vlerë tregu rreth 35 mijë euro. Më pas, në koordinim me Prokurorinë Themelore – Departamenti për Krime të Rënda në Prishtinë, u krye kontroll në shtëpinë e të dyshuarit në Prizren.
Si prova materiale u sekuestruan:
- 7 kg substancë e dyshuar narkotike e llojit marihuanë, e ndarë në 24 paketime;
- 4 vetura;
- 1 telefon;
- 9 paketime me qese plastike;
- 2 rolla plastike;
- 2 aparate për vakum;
- 2 peshore digjitale;
- prova të tjera materiale që ndërlidhen me rastin.
I dyshuari u arrestua dhe, me vendim të prokurorit, u dërgua në ndalim për 48 orë. Hetimet vazhdojnë nga Drejtoria për Hetimin e Trafikimit me Narkotikë.
Përditësime
Pren Berisha nga Klina, i njohur si rapsod kosovar, u identifikua si i dyshuari i arrestuar për sekuestrimin e 7 kg marihuane në Merdarë.