Dogana dhe Mbrojtja Kufitare e SHBA-së (CBP) njoftoi se do të ndalojë mbledhjen e tarifave të vendosura sipas Aktit të Fuqive Ekonomike të Emergjencës (IEEPA) nesër, të martën, në orën 12:01 sipas orës lokale. Kjo masë vjen pas vendimit të Gjykatës Supreme që shfuqizoi tarifat e quajtura "hakmarrëse" të Presidentit Donald Trump.
Agjencia dërgoi një mesazh transportuesve në Shërbimin e Mesazheve të Sistemeve të Kargos (CSMS), ku njoftoi çaktivizimin e të gjitha kodeve tarifore të lidhura me urdhrat e mëparshëm të Trump për IEEPA-në, duke filluar nga e marta.
Pezullimi i këtyre tarifave përkon me vendosjen nga Trump të një tarife globale të re prej 15%, e bazuar në një ligj tjetër, për të zëvendësuar ato të anuluara nga Gjykata Supreme të premten.
CBP nuk dha shpjegim pse vazhdoi mbledhjen e tarifave në portet e hyrjes pas vendimit gjyqësor, as nuk përmendi rimbursime të mundshme për importuesit.
Mesazhi sqaron se pezullimi nuk ndikon tarifat e tjera të Trump, si ato sipas Seksionit 232 të Aktit të Sigurisë Kombëtare dhe Seksionit 301 të Aktit të Praktikave të Padrejta Tregtare.
Agjencia premtoi udhëzime shtesë për komunitetin tregtar përmes mesazheve në CSMS.