Shtetet e Bashkuara kanë publikuar të premten strategjinë e re të mbrojtjes, që thekson vazhdueshmërinë e rolit qendror në NATO dhe Evropë, ndërsa parashikon prioritet për sigurinë e brendshme dhe parandalimin e Kinës.
Dokumenti nënvizon se SHBA do të vazhdojnë të luajnë një rol qendror brenda Aleancës Atlantike, por do të ribalancojnë praninë ushtarake në Evropë. Angazhimi ndaj kontinentit do të vijojë, mirëpo Uashingtoni do t’i japë përparësi mbrojtjes së brendshme dhe rivalitetit strategjik me Kinën.
Sipas strategjisë, në Evropë dhe rajone të tjera, aleatët do të marrin drejtimin përballë kërcënimeve më pak serioze për interesat amerikane, por më të rëndësishme për sigurinë e tyre. Në këto raste, SHBA do të ofrojë mbështetje kritike, por më të kufizuar.
Publikimi vjen pas strategjisë së re të sigurisë kombëtare të shpallur në mesin e dhjetorit, e cila u interpretua gjerësisht si largim nga bashkëpunimi i ngushtë transatlantik tradicional. Ajo dokument theksonte se strategjitë e mëparshme kishin nënvlerësuar interesat kombëtare amerikane, duke i dhënë përparësi mbrojtjes së vendeve të tjera në dëm të qytetarëve të vet.
Qasja e re udhëhiqet nga parimi "Amerika e Para", që sinjalizon orientim më të fortë drejt prioriteteve të brendshme dhe konkurrencës me Kinën, ndërsa ruan angazhimin bazë ndaj aleatëve të NATO-s.
Përditësime
Dokumenti i strategjisë së re të mbrojtjes së SHBA-së deklaron: “SHBA-ja duhet dhe do t’i japë përparësi mbrojtjes së atdheut dhe frenimit të Kinës”.
Strategjia përshkruan rolin e aleatëve si “mbështetje thelbësore”, jo “kritike”.
Hemisfera Perëndimore tani është prioriteti kryesor i kërcënimit, jo Kina.
Administrata Trump deklaroi se marrëdhëniet me Pekin do të trajtohen me forcë, jo konfrontim.
Strategjia e mbrojtjes publikohet çdo 4 vjet.