Në aksin rrugor Maliq–Lozhan, në afërsi të Uras së Qënckës dhe në kilometrin e 13-të, ka shembur muri pritës si pasojë e rrëshqitjes së dherave. Kjo ka krijuar vështirësi në qarkullimin e automjeteve.
Aktualisht, lëvizja e mjeteve kryhet vetëm me një korsi në atë segment. Sipas informacioneve paraprake, shembja ka penguar kalimin normal të automjeteve.
Aksi Maliq–Lozhan ka pasur probleme të përsëritura me rrëshqitje dherash që nga inaugurimi i tij. Rasti më i fundit u regjistrua më 28 janar.
Ky korridor rrugor shërben si nyje kryesore që lidh juglindjen e vendit me qarkun e Elbasanit. Së fundmi, me bllokimin e qarkullimit në aksin Librazhd–Përrenjas, ai u përdor si rrugë alternative për automjetet nga Korça drejt Elbasanit ose Tiranës.