Shembja e një segmenti rruge në Librazhd ka çuar në rritjen e çmimit të biletave të transportit ndërqytetas. Prej pesë ditësh, autobusët dhe mikrobusët në linjat Korçë-Tiranë dhe Pogradec-Tiranë qarkullojnë në rrugën alternative Gramsh-Maliq, që ka distancë më të gjatë dhe kthesa të shumta.
Çmimi i biletës në linjën Korçë-Tiranë ka kaluar nga 700 lekë në 1000 lekë, pra rritje me 300 lekë. Për linjën Pogradec-Tiranë, bileta nga 600 lekë është bërë 1000 lekë, me rritje 400 lekë.
Kompanitë e transportit e arsytojnë rritjen me konsum të shtuar të karburantit për shkak të rrugës më të vështirë. Udhëtarët shprehin ankesë për koston e lartë, pasi udhëtimi vajtje-ardhje në linjën Korçë-Tiranë tani kushton 2000 lekë (rreth 20 euro).