Ky artikull është përditësuar. Shiko përditësimet
Një sherr fizik ka shpërthyer më 8 janar 2026 në burgun e Reçit, në Malësinë e Madhe, midis të burgosurve Astmer Bilali dhe Mikel Thani. Ngjarja ka ndodhur gjatë orës së drekës, kur një debat mes tyre ka degjeneruar në përleshje të dhunshme. Të dy palët kanë pësuar dëmtime të rënda në trup dhe janë transportuar me urgjencë në Spitalin e Burgut në Tiranë për mjekim të specializuar.
Sipas burimeve, Mikel Thani është ndihmuar nga disa të burgosur të tjerë gjatë konfliktit, duke acaruar më tej situatën. Rojet e burgut kanë ndërhyrë menjëherë për të ndarë palët dhe për të kontrolluar incidentin. Një burim raporton se Thani ka goditur së pari Bilalin, ndërsa të tjerët e përshkruajnë si përleshje reciproke.
Mikel Thani u arrestua në vitin 2015, i dyshuar për plagosjen e prindërve të ish-tëfejuarës së tij dhe mbesës së tyre të mitur.
Astmer Bilali, anëtar i klanit kriminal Bajri, u arrestua fillimisht në operacionin OAZ më shtator 2018 bashkë me 10 anëtarë të tjerë të fisit për prodhim dhe armëmbajtje pa leje, organizim lotarish të palejuara, pastrim parash, gjobëvënie, prodhim dhe shitje narkotikësh. Ai akuzohet gjithashtu për vrasjen e Fatbardh Licit në 2018 dhe për sigurim kushtesh për vrasje të ngelura në tentativë ndaj Dorjan Duli, Ibrahim Lici dhe Genc Tafili. Bilali është në burg pas operacionit Metamorfoza në korrik 2023. Në prill 2019, babai dhe xhaxhai i tij, Astrit dhe Brahim Bilali, u vranë.
Ky nuk është incidenti i parë në burgun e Reçit. Pak kohë më parë, një sherr tjetër ka ndodhur mes Safet Bajri dhe Sokol Sanxhaktari, ku ky i fundit u dëmtua fizikisht pas goditjeve.
Përditësim
Autoritetet pritet të nisin verifikimet për zbardhjen e plotë të rrethanave të sherrit në burgun e Reçit. Masa disiplinore do të merren ndaj personave të përfshirë.
Përditësim
Astmer Bilali, një nga të përfshirët në sherin e fundit në burgun e Reçit, u dënua në 2020 me 3 vite burg për armëmbajtje pa leje, ndërtim të paligjshëm dhe paracaktim rezultatesh sportive, sipas regjistrave gjyqësore. Bilali ka hasmëri të vjetër me familjen Lici në Shkodër. Ai u përmend nga Fahrije Alija si porositës i vrasjes së Endri Mustafës në maj 2021. Babai i tij, Astrit Bilali, ishte një biznesmen i njohur që zotëronte një resort hipizmi në Livadhë. Autoritetet dyshojnë se Bilali është përgjegjës për vrasjen e Ismet Çekores në shkurt 2022 në Shkodër. Bilali ka lidhje të ngushta shoqërore me familjen Bajraj.