Policia njoftoi mëngjesin e 5 prillit se i dënuari Hajri Ramazan Robi, për dhunë në familje, humbi jetën në Qendrën Spitalore Universitare Nënë Tereza (QSUT), në Reanimacionin Qendror, rreth orës 05:00, si pasojë e arrestit kardio-respirator.
Ky është rasti i pestë i vdekjes së të burgosurish që nga fundi i janarit, sipas Drektorisë së Burgjeve, të lidhura kryesisht me probleme shëndetësore.
Rastet e mëparshme:
• 3 prill: I paraburgosuri Medat Spahiu vdiq rreth orës 14:10 në Reanimacionin Qendror të QSUT-së, nga embolia pulmonare dexter.
• 30 mars: I dënuari me burgim të përjetshëm Hysni Qamil Repaj (lindur më 15.01.1962 në Shkodër) u dërgua me urgjencë në Spitalin Rajonal të Korçës rreth orës 09:40, ku gjendja shëndetësore i përkeqësua menjëherë dhe ndërroi jetë.
• 20 mars: Një 41-vjeçar i arrestuar për vepër të lehtë penale vdiq në Bllokun e Sigurisë në Tiranë. Autoritetet dyshojnë për shkaqe natyrale, ndërsa hetimet vazhdojnë.
• 25 janar: Një 20-vjeçar humbi jetën në burgun e Shkodrës.
Autoritetet nuk kanë dhënë ende një reagim të plotë që lidh të gjitha rastet, por hetimet për secilin prej tyre janë në vijim.