Hysni Qamil Repaj, i lindur më 15 janar 1962 në Shkodër, ku edhe banonte, ndërroi jetë më 30 mars 2026 në Spitalin Rajonal Korçë. Ai vuante dënimin me burgim të përjetshëm në institucionin e vuajtjes së dënimit në Korçë për veprat penale «Vrasje me dashje në lidhje me një krim tjetër», të parashikuar nga neni 77, dhe «Armëmbajtje pa leje», nga neni 278 i Kodit Penal.
Rreth orës 09:40, gjatë një konsultë mjekësore në institucion, mjeku Pajtim Hoxhaj konstatoi përmes oksimetrit bradikardinë. Për këtë arsye, ai u shoqërua me urgjencë në shërbimin e urgjencës së Spitalit Rajonal Korçë për vlerësim nga specialistë.
Gjatë procedurave të ekzaminimit në spital, gjendja shëndetësore e Hysni Qamil Repaj u përkeqësua papritur në arrest kardiak respirator. Pavarësisht ndërhyrjes intensive mjekësore, ai nuk u rikthye në jetë.
Gjatë vuajtjes së dënimit, Repaj ishte trajtuar edhe për probleme të shëndetit mendor nga mjeku psikiatër. Lidhur me ngjarjen, janë njoftuar Prokuroria dhe Shërbimi për Çështjet e Brendshme dhe Ankesat (SHKKB).