Në lagjen nr. 2 të qytetit të Kukësit, disa të mitur të moshës 15 dhe 16 vjeç janë përfshirë në një sherr për motive të dobëta. Ata u konfliktuan me njëri-tjetrin duke përdorur mjete rrethanore, si pasojë e së cilës një 15-vjeçar ka pësuar dëmtime të lehta.
Shërbimet e Policisë kanë identifikuar pesë të mitur të dyshuar si të përfshirë në konflikt. Këta janë shoqëruar në Komisariat në prani të familjarëve dhe psikologes.
Grupi hetimor, nën drejtimin e Prokurorisë, po punon për sqarimin e rrethanave të ngjarjes dhe dokumentimin ligjor të saj.