Një sherr mes të rinjve në Sarandë ka lënë të plagosur një 29-vjeçar. Ngjarja ndodhi më 5 prill 2026, në vendin e quajtur “Eukalipti”.
Sipas kallëzimit të G. P., 29 vjeç, ai u godit me mjet prerës (thikë) nga A. M., 19 vjeç, banues në Sarandë, pas një konflikti mes tyre. Si pasojë e goditjes, G. P. ka pësuar dëmtime, ndonëse nuk jepen detaje për gjendjen e tij shëndetësore.
Strukturat e policisë kanë referuar materialet në Prokurori dhe kanë shpallur në kërkim autorin e dyshuar. Policia vazhdon punën për kapjen e A. M. dhe zbardhjen e plotë të rrethanave të ngjarjes.