Një konflikt mes disa personave ka ndodhur mbrëmjen e të hënës, 16 mars 2026, në një lokal në zonën e Yzberishtit në Tiranë. Pesë persona kanë dhunuar dy vëllezër me grushte, ndërsa të gjithë të përfshirët ishin nën efektin e alkoolit.
Menjëherë në vendngjarje ka mbërritur policia e Tiranës bashkë me forcat Shqiponja, të cilat kanë parandaluar përshkallëzimin e konfliktit. Si rezultat i ndërhyrjes së tyre të shpejtë, disa nga personat e përfshirë janë shoqëruar në komisariat.
Ngjarja ka krijuar panik tek klientët e tjerë të lokalit. Edhe gjatë shoqërimit në polici, nuk kanë munguar incidentet e vogla. Grupi hetimor po vazhdon punën për zbardhjen e plotë të rrethanave të konfliktit.