Autoritetet policore në Athinë, në bashkëpunim me njësitë speciale OPKE dhe EKAM, kanë finalizuar një operacion për goditjen e një grupi kriminal të përbërë nga 11 shqiptarë dhe 3 grekë. Organizata, me një hierarki të qartë, drejtohej nga 39-vjeçari Ervin Ademi, i cili mbikëqyrte tre zëvendësudhëheqës.
Hetimet kanë zbuluar se grupi përdorte aplikacione të koduara dhe ndërrimin e shpeshtë të numrave telefonikë për t'iu shmangur mbikëqyrjes policore. Organizata ishte aktive që nga dhjetori 2025.
Në ambientet e përdorura nga grupi, policia sekuestroi:
• 827.1 gramë kokainë dhe sasi kanabisi;
• 3 pistoleta, një karikator arme ushtarake dhe 119 fishekë;
• 14.505 euro dhe 470 dollarë amerikanë;
• 5 automjete, radio-komunikues dhe 7 peshore elektronike.
Të arrestuarit, të moshave nga 24 deri në 43 vjeç, përfshijnë: Elton Plepi, Ervis Tringa, Albert Pali, Bruno Anastasaj, Kondelina Dhimertika, Xhulio Kercani dhe Malena Alushaj. Ndërkohë, në kërkim janë shpallur Helis Cato, Taulant Prifti dhe Erald Gjata. Të dyshuarit përballen me akuza për formim të organizatës kriminale, trafik narkotikësh, pastrim parash, shkelje të ligjit për armët dhe falsifikim dokumentesh.
Përditësime
Hetuesit kanë zbardhur rrjetin e komunikimit dhe identitetet e anëtarëve të grupit kriminal të goditur në Athinë. Autoritetet identifikuan pesë të dyshuar: Ervin Ademi (Leo), Elton Plepi (Toni), Ervis Tringa (Niko), Albert Pali (Berti) dhe Bruno Anastasaj (Thodhori). Gjithashtu, u konfirmuan moshat e anëtarëve kyç: Elton Plepi (42), Ervis Tringa (38), Helis Cato (38), Taulant Prifti (47) dhe Erald Gjata (46). Prokuroria ka zgjeruar akuzat ndaj tyre për shkelje të legjislacionit për të huajt dhe falsifikim dokumentesh. Për operacionet e tyre, grupi përdorte aplikacione të koduara dhe gjuhë të shifruar.