Policia ka goditur tre raste shpërndarjeje lëndësh narkotike në qytetin e Shkodrës.
Si rezultat i administrimit të shpejtë të informacioneve të siguruara në rrugë operative, Seksioni për Hetimin e Narkotikëve, në bashkëpunim me Forcën e Posaçme "Shqiponja" dhe Seksionin e Mbështetjes Operacionale të Hetimit, finalizoi operacionin e koduar Rotondo.
Në kuadër të këtij operacioni, u vunë në pranga shtetasit:
- K. Gj., 27 vjeç, banues në fshatin Bregu i Lumit, Shkodër;
- F. N., 26 vjeç, banues në fshatin Hot i Ri;
- J. Ç., 25 vjeç, banues në Shkodër.
K. Gj. u kap në flagrancë në rrethrrotullimin e fshatit Stom Golem, duke lëvizur me automjet tip Land Rover. Gjatë kontrollit iu gjet një sasi lënde narkotike kanabis, ndërsa në çantën e tij u konstatua një mjet prerës (thikë).
F. N. u arrestua në sheshin Luigj Gurakuqi, ku gjatë kontrollit fizik iu gjet dhe iu sekuestrua një sasi lënde narkotike kanabis e ndarë në doza.
J. Ç. u kap në sheshin Nënë Tereza, ku iu gjet dhe iu sekuestrua një sasi e ngjashme lënde narkotike kanabis e ndarë në doza.
Si provë materiale u sekuestruan sasitë e lëndëve narkotike dhe thika. Materialet procedurale iu referuan Prokurorisë së Shkodrës për veprime të mëtejshme.