Pasditen e sotme, në Nion të Zvicrës, është hedhur shorti për raundin e parë kualifikues të UEFA Conference League, ku u përcaktuan çiftet për tre ekipet shqiptare pjesëmarrëse.
Sipas shortit, kundërshtarët janë:
• Elbasani do të përballet me skuadrën bjelloruse të BATE.
• Dinamo City do të ndeshet me ekipin e Astanas.
• Vllaznia do të luajë përballë Malishevës.
Të treja skuadrat shqiptare do t'i zhvillojnë takimet e para në fushën e tyre, ndërsa sfidat e kthimit do të luhen në transfertë. Ndeshjet e para janë planifikuar për datën 9 korrik, ndërsa ndeshjet e kthimit do të zhvillohen një javë më pas, më 16 korrik.