Niko Sela, 43 vjeç, banues në Tiranë, u shpall në kërkim nga Policia e Gjirokastrës si pronar i kamionit ku u gjetën rreth 350 kilogramë kanabis sativa.
Specialistët për Hetimin e Narkotikëve, në vijim të hetimeve të operacionit të koduar Risku, dyshojnë se Sela ka bashkëpunuar me Emanuel Qamo, drejtuesin e kamionit, për të trafikuar lëndën narkotike drejt Greqisë.
Kamioni u kontrollua më 27 shkurt 2026 nga punonjësit e Doganës në Kakavijë, ku u zbuluan 166 pako me nga 2.1 kilogramë kanabis sativa të fshehura në mjet.
Qamo u arrestua në vendngjarje.
Policia punon për kapjen e Selës.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër për veprime të mëtejshme.
Përditësime
Punonjësit e Doganës kryen kontroll me skaner rreth orës 06:30 në një mjet bosh në dalje nga dogana, ku vënë re një dopio shasie ku dyshohej fshehja e drogës. Mjeti u dërgua për kontroll fizik së bashku me forcat e Policisë së Shtetit.