Rreth orës 09:00 të mëngjesit të sotëm, në një banesë në njësinë administrative Shupenzë të Bulqizës, dyshohet se ka shpërthyer aksidentalisht një bombolë gazi.
Si pasojë e shpërthimit kanë mbetur të lënduar lehtë shtetasi M. M. dhe shtetasja Rr. M., të cilët janë transportuar në spital për ndihmë mjekësore. Të dy janë jashtë rrezikut për jetën.
Grupi hetimor i policisë ndodhet në vendngjarje dhe po kryen veprimet e nevojshme për sqarimin e plotë të rrethanave të ngjarjes, sipas njoftimit zyrtar të policisë.
Përditësime
Pamjet nga vendngjarja tregojnë dëme të rënda në banesën në Shupenzë të Bulqizës, përfshirë çarje të mëdha në mure.