Shpëtim Kabashi nga Istogu ka dorëzuar në Stacionin Policor të Junikut një kuletë të gjetur në qytetin e Junikut.
Më 5 mars 2026, ai paraqiti në polici kuletën, e cila përmbante 445 funte angleze, 50 franga zvicerane, 10 euro, 42 600 lekë shqiptare dhe 5 karta bankare.
Policia e Kosovës bëri të ditur se më 6 mars 2026 identifikoi dhe kontaktoi personin që e kishte humbur kuletën. Ai u ftua në Stacionin Policor të Junikut, ku zyrtarët policorë ia kthyen kuletën së bashku me të gjitha paratë dhe kartat.
Policia falënderoi Shpëtim Kabashin për veprimin dhe për nivelin e lartë të përgjegjësisë qytetare.