Këshilli i Ministrave ka miratuar hapjen e Ambasadës së Republikës së Shqipërisë në Dublin, Republika e Irlandës. Vendimi vjen si pjesë e nismës për zgjerimin e pranisë diplomatike të Shqipërisë jashtë vendit.
Sipas njoftimit zyrtar, ky hap diplomatik synon forcimin e marrëdhënieve dypalëshe me Irlandën, si dhe përmirësimin e mbështetjes konsullore për qytetarët shqiptarë që jetojnë dhe punojnë në këtë vend.