Departamenti Amerikan i Drejtësisë ka publikuar një numër të madh dokumentesh hetimore në lidhje me çështjen e Jeffrey Epstein, duke ringjallur debatet globale për rrjetin e kontakteve të tij dhe heshtjen e gjatë rreth saj.
Eksperti i teknologjisë së informacionit Tomi Kallanxhi ka analizuar kërkimet online të qytetarëve nga Shqipëria dhe Kosova, duke vënë në dukje se vendi ynë renditet në top 5 vendet me interesin më të lartë për dosjen Epstein.
Sipas Kallanxhi, përmendja e emrit të ish-presidentes së Kosovës, Atifete Jahjaga, ka ndikuar ndjeshëm në rritjen e këtij interesi, duke shtyrë qytetarët të kërkojnë më shumë informacion në internet.
Sa i përket shpërndarjes gjeografike në Shqipëri, deri në pasditen e 3 shkurtit Tirana kryesonte listën e kërkimeve për emrin Jeffrey Epstein. Megjithatë, të dhënat më të fundit tregojnë se Shkodra ka kaluar në vendin e parë.
Qytetet renditen si vijon:
• Shkodra (e para)
• Tirana
• Berati
• Elbasani
• Fieri
• Lezha (në fund të listës)
Kallanxhi deklaroi: "Unë kam nxjerrë disa statistika bazuar në kërkimet e shqiptarëve dhe të shqiptarëve të Kosovës. Përmendja e emrit të ish-presidentes Atifete Jahjaga i ka shtyrë ata të kërkojnë më shumë rreth kësaj çështjeje. Sa i përket kërkimeve për emrin Jeffrey Epstein, deri dje pasdite Tirana ishte në vend të parë, por sot Shkodra është qyteti që ka kërkuar më shumë."