Një grua 48-vjeçare shqiptare, banore në Savona të Italisë, është vënë nën hetim për tentativë vrasjeje ndaj vjehrrës së saj 73-vjeçare, e cila ka aftësi të kufizuara. Dyshohet se i përzier helm minjsh me ushqimin e saj, duke shkaktuar helmim të përsëritur.
E moshuara u shtrua disa herë në spital, ku analizat mjekësore zbuluan nivele të larta të substancave toksike në gjak. Gjatë kontrollit në banesë, policia gjeti një paketë helm minjsh që përmbante brodifakum, substancë e lidhur me helmimin.
Gjykata e Savonës vendosi masën e kujdesit paraprak ndaj 48-vjeçares: largim nga banesa, ndalim afrimi ndaj vjehrrës dhe arrest shtëpiak me byzylyk elektronik. Këto masa u morën me kërkesë të Prokurorisë së Savonës.
Hetimi drejtohet nga Grupi Hetimor i Policisë dhe Prokuroria e Savonës, për të verifikuar nëse ka persona të tjerë të përfshirë. Autoritetet e konsiderojnë nusen si personin kryesor që kujdesej për të moshuarën.