Ministria e Punëve të Brendshme e Kosovës ka njoftuar se po ndërmerr masat për zbatimin e plotë të Ligjit për të Huajt dhe Ligjit për Automjete, në përputhje me deklaratat e kryeministrit Albin Kurti dhe përfaqësuesit special të BE-së, Peter Sorensen.
Shtetasit e huaj në pikën kufitare Dheu i Bardhë janë njoftuar nga zyrtarët policorë për rregullat e reja: qëndrimi lejohet vetëm për 90 ditë, ndërsa automjetet me targa të huaja nuk mund të qëndrojnë më shumë se tre muaj. Nga e hëna, në të gjitha pikëkalimet kufitare do të fillojnë aplikimet për leje-qëndrim dhe lajmërimin e adresës.
Ky vendim nuk është mirëpritur nga shtetasit e huaj. Njëri prej tyre deklaroi për RTK: "Më lajmëruan policia që e kanë bërë për 90 ditë veç me qëndrua në Kosovë. Nuk është e drejtë, ne vizitojmë familjen shpesh, kontribuojmë për këtë vend, besoj që nuk është e drejtë."
Një tjetër shtetas tha: "Na njoftuan për rregullat e reja për veturat që nuk guxojnë të rrinë më shumë se tre muaj. Kjo nuk na ka pëlqyer, çka nëse ne duam të rrimë më tepër. Tani nuk e di a duhet ta lëshojmë Kosovën, e të kthehemi prapë ta vazhdojmë pushimin. Ne kemi dokumente edhe të Kosovës, vetëm pse e kemi veturën me tabela të huaja nuk mendoj se kjo është ngarkesë më tepër."
Shtetasit e Shqipërisë nuk e mirëpritën vendimin. Ky regjistrim ka për qëllim integrimin e të dhënave të lindjes, martesës dhe vdekjes në sistemin zyrtar të Kosovës. Shtetasit e huaj janë të detyruar të deklarojnë adresën brenda tre ditëve nga hyrja në Republikën e Kosovës, qoftë online, qoftë në stacionin më të afërt policor.