Seanca gjyqësore në GJKKO ndaj ish-presidentit Ilir Meta është shtyrë për datën 29.
Kjo ndodhi në seancën e mbajtur më 22 janar në Gjykatën e Posaçme Kundër Korrupsionit dhe Krimit të Organizuar.
Gjatë seancës, prokurorët lexuan një pjesë të parashtrimeve të tyre. Patën debate mes palëve për provat ndaj Ilir Metës.
Avokati i mbrojtjes, Kujtim Cakrani, deklaroi se në seancën e radhës do të paraqesin prapësimet dhe kërkesat në lidhje me akuzat.
"Do takohemi në datën 29, shpresojmë që të jetë përfundimtare sa i përket relatimit të kërkesës së prokurorëve dhe ne do paraqesim prapësimet tona dhe do shprehim kërkesat tona sa i përket akuzave", tha Cakrani.
Avokati u shpreh se seanca vërtetoi se akuza nuk qëndron dhe beteja mbetet e hapur.