Shtyhet seanca gjyqësore ndaj Fatime Kryemadhit, Ema Çokut dhe Pirro Xhixhos, të cilët janë pjesë e dosjes së ndarë nga hetimet ndaj ish-kryetarit të Partisë së Lirisë, Ilir Meta.
Në sallën e gjyqit ishte e pranishme vetëm Ema Çoku. Fatime Kryemadhi mungonte së bashku me avokatët e saj, ndërsa Pirro Xhixho, megjithëse nuk ishte i pranishëm, u përfaqësua nga avokati Sokol Mëngjesi.
Organi i akuzës, SPAK, kishte parashikuar që në këtë seancë të bëhej leximi i pretencës. Megjithatë, për shkak të mungesës së përfaqësimit ligjor të të pandehurës Fatime Kryemadhi, gjykata vendosi të ndërpresë seancën. Procesi gjyqësor do të vijojë në datën 13 korrik, ora 12:00.