Ish-trajneri i Kombëtares Shqiptare, Silvinjo, ka publikuar një reagim në profilin e tij pas largimit nga detyra. Tekniku brazilian falënderoi Shqipërinë për pritjen e ngrohtë dhe vlerësoi punën e kryer me ekipin kombëtar.
Në deklaratën e tij, Silvinjo shkroi se së bashku kanë mbyllur një kapitull të rëndësishëm pune. Gjatë gati tre viteve e gjysmë ai udhëhoqi Kombëtaren dhe shprehu besimin se është arritur një përparim i konsiderueshëm.
Silvinjo falënderoi Presidentin, stafin e federatës, stafin e trajnerëve, të gjithë lojtarët që punuan me të dhe mbështetësit e zjarrtë të ekipit. Ai premtoi se do të vazhdojë t’i mbështesë kuqezinjtë kudo që të jetë dhe u uroi suksese të mëdha në të ardhmen.