Sokol Çili, sipërmarrës shqiptar që ka ngritur një biznes si agjent imobiliar në Dubai, rrëfen për emisionin "Dita Jonë" në A2CNN momentet e sulmit me dron në kullën Palm Jumeirah.
Ai tregon se ndodhej 300 metra larg vendit ku ra droni në një nga hotelet më luksoze, në një orar me njerëz të pranishëm. Ngjarja la 4 të lënduar, por nuk ishte shpërthim i drejtpërdrejtë. Në atë kohë, Çili po pinte kafe pranë zonës.
Sipërmarrësi përshkroi pamjen e njerëzve që vraponin me valixhe në duar dhe fëmijëve që qanin. Sipas tij, situata pas ngjarjes mbetet e vështirë, por nuk ka panik të madh te banorët.
Aeroportet në Dubai janë mbyllur plotësisht. Çili planifikon të kërkojë alternativa për lëvizje, si nga Omani. Autoritetet kanë dhënë rekomandim që punonjësit të mos shkojnë në zyra dhe të punojnë online.
Ai thekson se mediat sociale amplifikojnë ngjarjet, duke krijuar përshtypje më të frytshme se realiteti.