Gjatë ditëve të fundit, Qendra Kombëtare për Menaxhim Kufitar ka raportuar një situatë të qetë në pikat kufitare të Kosovës. Fluksi i udhëtarëve dhe mërgimtarëve paraqitet brenda pritshmërive normale.
Sipas raportimeve të datave 17 dhe 18 korrik 2026, pritjet më të gjata u shënuan në pikëkalimin e Hanit të Elezit, ku udhëtarët raportuan vonesa deri në 30 minuta dhe kolona deri në 150 metra. Në të njëjtën periudhë, në Dheun e Bardhë dhe Merdarë, koha e pritjes ishte deri në 10 minuta, ndërsa në pikat e tjera qarkullimi vijoi me pritje minimale prej 3 deri në 5 minuta.
Sipas të dhënave të datës 19 korrik 2026, situata në orët e mëngjesit ka qenë e stabilizuar. Pritjet më të larta u shënuan në pikëkalimin e Dheut të Bardhë me rreth 15 minuta, ndërsa në Bërnjak, Hani i Elezit, Jarinje dhe Merdarë, koha e pritjes ishte deri në 10 minuta. Në pikat e tjera kufitare, qarkullimi ka vijuar me pritje minimale nga 3 deri në 5 minuta.
Përditësime
Qendra Kombëtare për Menaxhim Kufitar njofton rritje të fluksit në pikat kufitare për shkak të ardhjes së bashkatdhetarëve. Pritjet aktuale janë si vijon: te pika kufitare Dheu i Bardhë deri në 40 minuta, ndërsa te pika kufitare Vërmicë nga 10 deri në 15 minuta.