Përpara ndeshjes së xhiros së tretë në Kupën e Botës 2026, që po zhvillohet në Florida, janë bërë publike formacionet zyrtare për sfidën mes Skocisë dhe Brazilit.
Brazili, i cili aktualisht mban vendin e parë në grupin C me 4 pikë, do ta udhëheqë sulmin me treshen Vinicius Junior, Matheus Cunha dhe Rayan. Në mesfushë janë rreshtuar Casemiro, Bruno Guimarães dhe Lucas Paquetá. Përkundër gatishmërisë, Neymar dhe talenti Endrick do ta nisin takimin nga stoli.
Skocia, e cila renditet në vendin e tretë me 3 pikë, do të mbështetet te lojtarët kryesorë Andy Robertson, Scott McTominay dhe John McGinn, ndërsa në repartin ofensiv nga minuta e parë do të aktivizohet Lawrence Shankland.
Formacionet zyrtare të ndeshjes janë:
• Skocia: Gunn; Patterson, McKenna, Hendry, Robertson; McGinn, McLean, Ferguson, Gannon-Doak, McTominay; Shankland.
• Brazili: Alisson; Danilo, Marquinhos, Gabriel, Douglas Santos; Bruno Guimarães, Casemiro, Paquetá; Rayan, Vinicius Junior, Cunha.