SKY express, kompania ajrore greke e vlerësuar së fundmi me çmimin Linja Ajrore e Vitit 2025 nga European Regions Airline Association (ERA), organizoi një takim networking në Tiranë për të theksuar lidhshmëritë ajrore mes Greqisë dhe Shqipërisë.
Takimi u zhvillua në bashkëpunim me Aeroportin Ndërkombëtar të Tiranës dhe Shoqatën e Biznesit Grek në Shqipëri. Ai mblodhi agjentë kryesorë turistikë nga tregu shqiptar, përfaqësues nga Ambasada e Greqisë në Shqipëri, Ministria e Turizmit dhe Agjencia Kombëtare e Turizmit (AKT).
Gjatë takimit, SKY express prezantoi rritjen e saj dinamike dhe investimet në rajon, me fokus në forcimin e lidhshmërisë mes dy vendeve. Kompania operon fluturime direkte gjatë gjithë vitit midis Tiranës dhe Athinës, si dhe një linjë të re direkte midis Tiranës dhe Heraklionit, që përmirëson aksesin drejt Kretës.
SKY express posedon një flotë moderne prej 29 avionësh të gjeneratës së re dhe shërben 27 destinacione ndërkombëtare. Këto lidhje direkte ofrojnë udhëtarëve shqiptarë akses më të mirë në rrjetin grek të destinacioneve, duke mbështetur rritjen e turizmit dhe lidhjeve ekonomike.
Piervittorio Farabbi, Drejtor i Operacioneve në Aeroportin Ndërkombëtar të Tiranës, mori pjesë në takim.
Përditësime
Piervittorio Farabbi, përfaqësues i aeroportit, deklaroi: "Kjo është një mënyrë për të lidhur agjencitë... në çdo ishull të Greqisë."
SKY Express prezantoi Arbi Xhelo si Country Manager për Shqipërinë. Xhelo tha: "Angazhimi i SKY Express është për të shtuar numrin e fluturimeve... tregtare, ekonomike dhe turistike."