Ceremonia e lamtumirës për Lirim Ruhanin, 25 vjeç, i cili humbi jetën tragjikisht në Liqenin e Batllavës, do të mbahet sot, më 2 korrik, duke filluar nga ora 17:00. Varrimi do të zhvillohet në fshatin Prapashticë, në rrugën "Naser Hasani".
Trupi i të riut u gjet një ditë më parë, pas një operacioni kërkimi që zgjati 2 ditë. Sipas raportimeve, dyshohet se ngjarja ka ndodhur pas rënies së tij në ujë nga një mjet lundrues (anije).
Familja e të ndjerit ka shprehur dhimbjen për këtë humbje, duke theksuar se: "Dhimbja jonë është e madhe, por kujtimi për Lirimin do të mbetet gjithmonë i gjallë në zemrat tona".