Operacioni i kërkimit për të riun, i cili ishte duke qëndruar me familjen në momentin kur dyshohet se ka rënë nga mjeti lundrues, ka vazhduar gjatë ditës së sotme. Zëdhënësi i Forcës së Sigurisë së Kosovës, Vëllazërim Qerimi, konfirmoi se punimet në terren janë rinisur në orën 09:00, pas ndërprerjes së detyruar nga errësira mbrëmjen e kaluar.
Sipas deklaratës së zëdhënësit Qerimi, operacioni për gjetjen e L.Ruhani-t do të vazhdojë pa ndërprerje deri në përfundimin e kërkimeve. Autoritetet janë angazhuar maksimalisht në Liqenin e Batllavës për të lokalizuar të riun sa më shpejt të jetë e mundur.
Përditësime
Ekipet e kërkim-shpëtimit kanë rinisur operacionin në Liqenin e Batllavës sot në intervalin kohor 08:30 – 09:00. Zyrtari i Policisë së Kosovës, Enis Pllana, konfirmoi se njoftimi për zhdukjen e 25-vjeçarit është pranuar dje rreth orës 13:00. Për gjetjen e tij, autoritetet kanë angazhuar njësi shtesë policore në mbështetje të pjesëtarëve të Forcës së Sigurisë së Kosovës (FSK).