Aksioni për gjetjen e 78-vjeçarit Xhafer Raçi po vijon pa ndërprerje. Pas kërkimeve intensive gjatë natës, operacioni ka vazhduar edhe gjatë ditës së sotme në koordinim me Policinë e Kosovës dhe autoritetet kompetente.
Sipas njoftimit zyrtar, Shoqata e Kosovës për Kërkim dhe Shpëtim ka riangazhuar Departamentin e Dronistëve për të rritur mundësitë e lokalizimit të të moshuarit. Kërkimet janë përqendruar në zonën e Taukbashqes në Prishtinë.
Xhafer Raçi, banor i lagjes Bregu i Diellit, është larguar nga shtëpia të enjten rreth orës 08:00. Familjarët kanë bërë të ditur se ai vuan nga demenca dhe kanë raportuar rastin në polici. Ata kërkojnë ndihmën e qytetarëve që, nëse kanë ndonjë informacion për vendndodhjen e tij, të kontaktojnë menjëherë në numrin e telefonit +383 44 737 900.