Ekonomisti amerikan dhe profesor i Ekonomisë së Aplikuar në Universitetin Johns Hopkins, Steve Hanke, ka bërë një reagim në lidhje me protestat që po zhvillohen në kryeqytetin shqiptar. Përmes një postimi në rrjetin social X, Hanke vuri në dukje se protesta e mbajtur më 15 korrik 2026 shënon ditën e 45-të të lëvizjes qytetare të njohur si "Revolucioni i Flamingove".
Në mesazhin e tij, Hanke adresoi kundërshtimet e protestuesve ndaj projektit të Jared Kushner dhe qeverisë së drejtuar nga kryeministri Edi Rama. Ai citoi Thomas Jefferson, njërin prej Etërve Themelues të SHBA-së dhe presidentin e dytë të vendit, duke nënvizuar se "një rebelim i vogël herë pas here është një gjë e mirë".
Sipas thirrjeve të bëra publike në këtë lëvizje, protestuesit kërkojnë dorëheqjen e kryeministrit Rama, si dhe kërkojnë hetime ndaj zyrtarëve të lartë qeveritarë, përfshirë ministren Belinda Balluku.