Një stuhi e fuqishme ka përfshirë SHBA-në, duke sjellë tornado, breshër, reshje të dendura dëbore dhe kushte të ftohta ekstreme.
12 shtete janë nën paralajmërim për erëra të forta dhe tornado, përfshirë Floridën dhe Alabamën. Në Wisconsin dhe veri të Miçiganit kanë rënë reshje të mëdha dëbore që nga fundjava. Mbi 11 milionë njerëz ndodhen nën paralajmërim për stuhi me breshër. Mbi 2.000 fluturime janë anuluar, kryesisht në aeroportet O’Hare të Çikagos dhe LaGuardia të Nju Jorkut.
Shumë zona janë pa energji elektrike, me Miçiganin, Ohion dhe Xhorxhinë si më të prekurat. Në Minesotë dhe shtete të tjera të Lindjes pritet më shumë dëborë dhe erëra të forta për të hënën.
Situata në Kanadë
Kanadaja përballet me kushte të ngjashme, me deri 50 cm dëborë dhe erëra të forta në Ontario dhe Quebec.
Kontrasti në Perëndim
Në Perëndimin e SHBA-së parashikohet një valë e nxehtësisë, me temperatura deri në 42°C në Arizonë, Kaliforni dhe Nevada.
Ky fenomen moti mund të prekë mbi 200 milionë njerëz në të dy vendet.