Sipas edicionit të pestë të Indeksit Global të Pasaportave (GPI), publikuar nga Global Citizen Solutions, vendet evropiane dominojnë renditjen për vitin 2026. Për dallim nga metodologjitë tradicionale, ky indeks përfshin tregues si mundësitë për investime, cilësinë e sistemit shëndetësor, sigurinë, nivelin e inovacionit, klimën, infrastrukturën sociale dhe politikat tatimore.
Dhjetë vendet me pasaportat më të forta janë:
• Suedia
• Zvicra
• Finlanda
• Gjermania
• Holanda
• Danimarka
• Irlanda
• Mbretëria e Bashkuar
• Norvegjia
• Singapori
Shtetet e Bashkuara të Amerikës kanë shënuar një rënie të ndjeshme, duke zbritur në vendin e 12-të për vitin 2026, pasi në vitin 2021 mbanin vendin e parë. Rënia i atribuohet kryesisht rivendosjes së regjimeve të vizave nga vende të ndryshme, ku përfshihet rasti i Brazilit.
Sa i përket Mbretërisë së Bashkuar, raporti thekson se pasojat e Brexit-it kanë ndikuar negativisht në lirinë e lëvizjes së qytetarëve britanikë. Ndonëse mbeten në dhjetëshen e parë, ata kanë humbur të drejtën automatike për të punuar dhe jetuar brenda territorit të Bashkimit Evropian.