Kryetari i Berlinit, Kai Wegner, ka reaguar pas ngjarjes së rëndë të ndodhur në kryeqytetin gjerman, duke e përshkruar atë si një sulm të dyshuar islamist ndaj vlerave të demokracisë liberale, mënyrës së bashkëjetesës dhe lirisë së qytetit. Sipas Wegner, akti vë në shënjestër pikërisht hapjen dhe larminë që karakterizon shoqërinë berlineze, duke e kthyer një ditë festive në një "ditë të errët".
Ngjarja ndodhi pranë vendit ku po zhvilloheshin festimet për Paradën e Homoseksualëve, kur një veturë u përplas me turmën e pjesëmarrësve. Si pasojë e këtij incidenti, 1 person humbi jetën, ndërsa 16 të tjerë mbetën të plagosur.
Autoritetet e policisë gjermane kanë nisur operacionin për kapjen e një 21-vjeçari, i cili dyshohet se është autori i këtij sulmi dhe se ka lidhje me qarqe islamiste. Në shenjë nderimi për viktimën dhe solidariteti për të prekurit, flamujt në bashkinë e qytetit janë ulur në gjysmështizë. Gjithashtu, është paralajmëruar mbajtja e një ceremonie përkujtimore dhe një marshim qytetar drejt Portës së Brandenburgut.