Rreth 200 kompani importuese dhe prodhuese të pajisjeve për riprodhime audiovizuale kanë marrë njoftim nga S.U.A.D.A (Sporteli Unik për Administrimin e të Drejtës së Autorit) për të paguar tarifën "për shpërblim të arsyeshëm" në masën 0.5%.
Kjo tarifë llogaritet mbi vlerën e pajisjeve të importuara gjatë 2025 ose mbi faturat mujore të lëshuara për prodhuesit. Baza ligjore mbështetet në ndryshimet e miratuara në ligjin nr. 35/2016 "Për të drejtat e autorit dhe të drejtat e tjera të lidhura me to", si dhe në VKM nr. 465, të miratuar më 27.07.2023.
Sipas këtij vendimi, tarifa 0.5% aplikohet për 25 lloje pajisjesh teknologjike të importuara ose të prodhuara në vend, përfshirë:
- Telefona që riprodhojnë regjistrime audio dhe vizuale si MP3, MP4, AAC, WMA, WAV (për shembull, iPhone);
- Karta memorie (përveç atyre të aparateve celularë);
- Diskë Blu-ray, HDD, DVD;
- Kaseta audio, minidisk, video regjistrues;
- Televizorë dhe aparate me hardisk të brendshëm, MP3 player, MP4 player, iPod media player.
Për materialet e fotokopjimit, tarifa llogaritet mbi:
- Fotokopjet;
- Printerat;
- Skanerat;
- Pajisje multifunksionale me funksion fotokopjues;
- Letrën për print.
Lista e plotë e pajisjeve dhe tarifave përcaktohet në VKM nr. 465 të datës 26.07.2023, titulluar "Për përcaktimin e listës së pajisjeve dhe tarifave për shpërblimin e arsyeshëm për riprodhimin e veprave të autorit për përdorim privat dhe personal". Titujt e burimeve raportojnë se kjo masë bie në kundërshtim me modelin e Bashkimit Evropian.