Banka e Shqipërisë raporton se të ardhurat nga emigracioni arritën një rekord të ri prej 1.1 miliardë euro në 2025, me rritje 5.9% krahasuar me të njëjtën periudhë të 2024.
Ritmet e rritjes u përshpejtuan veçanërisht në tremujorin e tretë dhe të katërt. Për periudhën korrik-shtator 2025, emigrantët dërguan 285 milionë euro, ndërsa në tre muajt e fundit të vitit hyrjet arritën 302 milionë euro. Këto flukse më të larta lidhen me vizitat e emigranteve gjatë pushimeve verore dhe fundvitit.
Tendenca rritëse e remitancave vazhdon që nga viti 2013, duke reflektuar një cikël të ri emigracioni pas vitit 2015. Pas rënies në vitin 2020 për shkak të pandemisë, prurjet kaluan për herë të parë kufirin e një miliard eurosh në 2021. Në 2022, remitancat tejkaluan sërish nivele të larta.
INSTAT raporton se migracioni neto në Shqipëri mbetet negativ për periudhën 2011-2025, me tendencë rritëse pas pandemisë. Në vitin 2021, humbja neto ishte -32.853 persona, në 2022 rreth -32.497 persona, ndërsa kulmi u regjistrua në 2024 me rreth -43.761 persona, për shkak të korrektimeve nga censusi i 2023.
Ky trend konfirmohet nga Eurostat, që regjistroi 284.585 leje qëndrimi të reja për shtetas shqiptarë në vendet e BE-së gjatë periudhës 2021-2024. Lejet e punës zënë gati një të tretën e totalit.
Përditësime
Remitancat arritën 1.12 miliardë euro në 2025, rritje 7.1% (+73.69 milionë euro) nga 2024.
Investimet e huaja direkte arritën 1.64 miliardë euro në 2025, rritje 3.5% nga 2024.
Të huajt blerën mbi gjysmë miliardë euro pasuri të paluajtshme në 2025.
Në T4 2024, FDI u shpërnda: 37% në pasuri të paluajtshme, 17% në sektorin financiar dhe pjesë në energjetikë e komunikacion.