Në mbrëmjen e 5 majit 2026, rreth orës 21:50, Policia e Kosovës u njoftua për të shtëna me armë zjarri në rrugën Adem Jashari në Pejë.
Zëdhënësi i Policisë për rajonin e Pejës, Driton Rugova, konfirmoi incidentin. Ai deklaroi se njësitë policore kanë dalë menjëherë në vendngjarje dhe po kryejnë ekzaminimet e nevojshme.
Sipas informatave fillestare, nuk raportohet për persona të lënduar. Motivet e ngjarjes nuk dihen ende.
Policia po vazhdon hetimet për të identifikuar të përfshirët dhe për të sqaruar plotësisht rrethanat.