Nëntë persona u plagosën pas të shtënave me armë zjarri pranë Universitetit të Indianës në Bloomington të Shteteve të Bashkuara. Incidenti ndodhi rreth mesnatës së dielës në Kirkwood Avenue, një zonë ku mijëra njerëz ishin mbledhur pas garës vjetore të biçikletave Little 500.
Policia mbërriti shpejt në vendngjarje dhe gjeti disa individë të plagosur një bllok larg kampusit universitar. Gjithsej nëntë persona u dërguan në spital, prej të cilëve gjashtë me autoambulancë. Të plagosurit janë kryesisht të rinj, mes tyre një 17-vjeçare, një 18-vjeçare, një 21-vjeçare dhe një 22-vjeçare, të cilat morën plagë nga plumbat ose fragmentet. Një 20-vjeçare u godit drejtpërdrejt dhe pësoi dëmtime më të rënda.
Rrethanat e ngjarjes
Dëshmitarët raportuan se incidenti nisi nga një sherr midis dy grave, i cili eskaloi në hapjen e zjarrit nga njëra prej tyre. Dy gratë e përfshira në konflikt nuk u lënduan. Një nga të plagosurit mbetet në spital në gjendje të qëndrueshme, ndërsa të tjerët janë trajtuar dhe liruar.
Autoritetet amerikane kanë nisur hetimet për zbardhjen e rrethanave dhe motiveve, të cilat mbeten të paqarta. Ende nuk raportohet për persona të arrestuar.
Përditësime
Shefi i Policisë së Bloomingtonit, Mike Diekhoff, deklaroi se dy meshkuj të dyshuar nxorën pistoletat dhe qëlluan në turmë gjatë përleshjes midis dy grave, rreth orës 12:25 të mëngjesit.
Asnjë student nuk u lëndua; të gjithë të plagosurit ishin vizitorë. Të tjerë u plagosën gjatë rrëmujës që pasoi.
Ndër të plagosur:
- Një 17-vjeçare në këmbë;
- Një 18-vjeçare në kyç;
- etj.