Ambasada iraniane në Kabul të Afganistanit ka reaguar ndaj mesazhit të Donald Trump-it për shtyrjen e sulmeve ndaj objekteve bërthamore iraniane.
Sipas reagimit zyrtar, Trump-i u përmbajt nga sulmet pas "paralajmërimit të fortë të Iranit". Autoritetet iraniane mohuan kategorikisht çdo kontakt, qoftë të drejtpërdrejtë apo të tërthortë, me Trump-in ose përfaqësues amerikanë.
Burime diplomatike bëjnë të ditur se Teherani e lidh tërheqjen e Trump-it me paralajmërimet për goditje ndaj objektivave në Gjirin Persik, në rast të përshkallëzimit të situatës. Kjo shpjegon, sipas tyre, vendimin për të shmangur një konflikt të mundshëm.