Pas tubimit të zhvilluar fillimisht para godinës së Ministrisë së Brendshme, protestuesit kanë nisur një marshim drejt Rrugës së Elbasanit. Gjatë lëvizjes, turma ka hyrë në kundravajtje në rrugë, duke shkaktuar tensione me efektivët e rendit që ndodheshin në terren për të monitoruar situatën.
Në disa momente janë raportuar përplasje fizike dhe verbale mes qytetarëve dhe punonjësve të policisë. Tensionet janë shtuar pasi protestuesit kanë kërkuar në mënyrë eksplicite që efektivët të mos ecin krah tyre gjatë marshimit.
Përgjatë gjithë zhvillimit të kësaj proteste, pjesëmarrësit kanë vazhduar të artikulojnë thirrje politike, duke kërkuar dorëheqjen apo ndëshkimin e figurave të larta shtetërore me parullat "Rama në burg" dhe "Arrestoni Belindën". Situata mbetet në zhvillim ndërsa grupi vijon lëvizjen në drejtimin e përcaktuar.