Ndërmarrja publike Termokos Sh.A. njofton konsumatorët se, për shkak të rënies nga funksioni të Bllokut 1 të Termocentralit Kosova B, furnizimi me energji termike po realizohet aktualisht me kapacitet të kufizuar.
Kjo situatë ka ndikuar në uljen e cilësisë së ngrohjes për disa objekte banesore në lagjet Mati 1 dhe Bregu i Diellit në Prishtinë.
Sipas paralajmërimeve nga Korporata Energjetike e Kosovës (KEK), Blloku 1 pritet të rikthehet në funksion gjatë ditës së nesërme. Kjo do të mundësojë furnizimin me energji termike me kapacitet maksimal dhe përmirësimin e plotë të furnizimit me ngrohje.
Në njoftimin e saj, Termokos kërkon mirëkuptimin e konsumatorëve deri në stabilizimin e plotë të furnizimit me ngrohje.