Kampionia në fuqi e Shqipërisë në futsall, Tirana Futsal, është njohur me kundërshtarët për fazën para-eliminatore të edicionit të ri të Futsal Champions League 2026/27. Skuadra shqiptare është vendosur në Grupin D, ku do të përballet me Hjørring Futsal Klub nga Danimarka, Futsal Club Cardiff nga Uellsi dhe APOEL FC Nicosia nga Qiproja.
Të gjitha ndeshjet e këtij grupi do të luhen në Tiranë, në mjediset e sallës së Parkut Olimpik “Feti Borova”. Kalendari i sfidave është përcaktuar nga UEFA dhe do të shtrihet në tre ditë loje: 26, 27 dhe 29 gusht.
Kalendari i ndeshjeve
• 26 gusht:
- Hjørring Futsal Klub – Futsal Club Cardiff (ora 17:00)
- Tirana Futsal – APOEL FC Nicosia (ora 20:45)
• 27 gusht:
- APOEL FC Nicosia – Hjørring Futsal Klub (ora 17:00)
- Tirana Futsal – Futsal Club Cardiff (ora 20:45)
• 29 gusht:
- Futsal Club Cardiff – APOEL FC Nicosia (ora 17:00)
- Tirana Futsal – Hjørring Futsal Klub (ora 20:45)